काठमाडौं । सरकारले एक वर्षमा ११ हजार ९ सय १ जनालाई नेपालीलाई वैदेशिक रोजगारीमा पठाएको छ ।
गत आर्थिक वर्ष २०८०/०८१ मा जीटुजीमार्फत उनीहरूलाई वैदेशिक रोजगारीमा पठाएको हो । वैदेशिक रोजगारीमा जाने कुल सख्या मध्ये १० हजार ६९७ जना पुरुष र एक हजार २०४ जना महिला रहेका छन् ।
सरकारले जीटूजी मार्फत दक्षिण कोरिया, इजरायल र यूके पठाउँदै आएको छ । ती मध्ये २३८ जना इजरायल गएका छन् भने ४१ जना बेलायत गएका छन् । बाँकी ११ हजार ६२२ जना कोरिया गएका हुन् ।
