काठमाडौँ । चीनले राजधानी बेइजिङमा आज एक विशाल सैन्य परेडको आयोजना गरेको छ। चीनको सरकारी समाचार एजेन्सी सिन्ह्वाका अनुसार, स्थानीय समयअनुसार बुधबार बिहान ९ बजे (नेपाली समय अनुसार बिहान ६:४५) बाट सुरु भएको छ।

द्वितीय विश्वयुद्धमा जापानको पराजय भएको ८० वर्ष पूरा भएको अवसरमा आयोजना गरिएको उक्त भव्य कार्यक्रममा रुसका राष्ट्रपति भ्लादिमिर पुटिन र उत्तर कोरियाका नेता किम जोङ–उन प्रमुख पाहुना बनेका थिए।

माओ त्से तुङले लगाउने शैलीको सुटमा देखिएका राष्ट्रपति सीले खुला गाडीमा सैनिक निरीक्षण गर्दै उपस्थित ५० हजारभन्दा बढी दर्शकलाई सम्बोधन गरेका थिए। 

उक्त अवसरमा प्रधानमन्त्री केपी शर्मा ओलीलगायत २० भन्दा बढी नेता उपस्थित थिए। राष्ट्रपति सीकी पत्नी पेङ लियुआनले पाहुनाहरूलाई स्वागत गरेकी थिइन्।

तस्बिरहरु : सिन्ह्वा