काठमाडौ । चालु आर्थिक वर्षको पहिलो महिना साउनमा वैदेशिक रोजगारीका लागि ६८ हजार भन्दा बढी नेपालीहरु विदेशीएका छन् ।

वैदेशिक रोजगार विभागका अनुसार म्यानपावर कम्पनी, व्यक्तिगत नयाँ र पुनः श्रम स्वीकृतिमार्फत ६८ हजार १ सय १० जना कामका लागि वैदेशिक रोजगारीमा गएका हुन् ।

विभागको तथ्यांकमा पुरुष कामदारको संख्या ५८ हजार ९ सय ४८ र महिला कामदारको संख्या ९ हजार १ सय ६२ रहेकोे छ ।

साउनमा म्यानपावर कम्पनीमार्फत ३१ हजार ८ सय ३० जना वैदेशिक रोजगारीमा गएकोमा पुरुष कामदारको संख्या २९ हजार १ सय ३० र महिला कामदारको संख्या २ हजार ७ सय रहेको छ । व्यक्तिगत नयाँ श्रम स्वीकृतिमार्फत ११ हजार ७ सय ७२ जना गएकोमा पुरुषको संख्या ८ हजार ५ सय ४७ र महिलाको संख्या ३ हजार २ सय २५ रहेको छ । रिइन्ट्रीमार्फत २३ हजार ६ सय ४४ जना गएकोमा पुरुषको संख्या २० हजार ५ सय ४७ र महिलाको संख्या ३ हजार ९७ रहेको छ ।

साउनमा सरकारले पठाउने इपिएस कोरिया, इजरायल र बेलायतमा ८ सय ६४ जना गएका छन्