काठमाडौँ । पछिल्लो समयमा देशभर रोजगारीको अवसर नभएको भन्दै वैदेशिक रोजगारमा जानेको युवाहरूको संख्या पनि बढ्दै गाइरहेको छ ।
बैदेशिक रोजगार विभागको अनुसार चालु आर्थिक बर्ष २०८०/८१ को १० महिनामा वैदेशिक रोजगारीमा ६ लाख ९ हजार ७०५ जना गएको छन् । विभागका अनुसार यो संख्या नयाँ तथा पुनः श्रम स्वीकृति लिएर जानेको हो ।
जसमा दाङबाट मात्रै १० महिनाको अवधीमा ११ हजार आठ सय १२ जनाले श्रम स्वीकृति लिएका छन् ।
कुन महिनामा दाङबाट कतिले लिए श्रम स्वीकृति ?
चालु आर्थिक वर्षको साउनमा एक सय ४७ महिला र एक हजार ७५ पुरुषसहित एक हजार दुई सय २२ जनाले श्रम स्वीकृति लिएका थिए । यो नयाँ तथा पुनः श्रम स्वीकृति लिनेको संख्या हो ।
भदौमा एक सय १५ महिला र नौ सय ४७ पुरुष गरी एक हजार ६२ ले श्रम स्वीकृति लिए । त्यस्तै असोजमा एक सय ४० महिला र एक हजार सात पुरुष गरी एक हजार एक सय ४७, कार्तिकमा एक सय छ महिला र आठ सय ५७ पुरुष गरी नौ सय ६३, मंसिरमा एक सय ३१ महिला र एक हजार चार सय ८४ पुरुष गरी एक हजार छ सय १६ र पुसमा एक सय २० महिला र एक हजार तीन सय १४ पुरुष गरी एक हजार चार सय ३४ श्रम स्वीकृति लिएका थिए ।
यस्तै, माघमा एक सय २२ महिला र एक हजार दुई सय ८० पुरुष गरी एक हजार चार सय दुई, फागुनमा एक सय ३० महिला र एक हजार तीन सय ४६ पुरुष गरी एक हजार चार सय ७६ र चैत महिनामा एक सय ३३ महिला र एक हजार तीन सय ५७ पुरुष गरी जम्मा एक हजार चार सय ९० जना दाङका युवाले श्रम स्वीकृति लिएका छन् ।
