काठमाडौं । संघीय संसद सचिवालयले आफ्ना २० जना शाखा अधिकृतहरूलाई प्रधानमन्त्री तथा मन्त्रिपरिषद्को कार्यालयमा खटाएको छ।
भोटेकोशी नदीमा भदौ १० गते गएको विनाशकारी बाढीका प्रभावितहरूको उद्धार तथा राहत सम्बन्धी कार्यमा आवश्यक सहजीकरण गर्न उनीहरूलाई त्यहाँ खटाइएको संघीय संसद् सचिवालयका प्रवक्ता सहसचिव एकराम गिरीले जानकारी दिए।
प्रधानमन्त्री तथा मन्त्रिपरिषद्को कार्यालयको माग बमोजिम सचिवालयले बुधबारबाट ती कर्मचारीहरूलाई अर्को आदेश वा व्यवस्था नभएसम्मका लागि प्रधानमन्त्री तथा मन्त्रिपरिषद्को कार्यालयमा खटाइएको हो।
सचिवालयका उपसचिव नारायण प्रसाद ढकालद्वारा हस्ताक्षरित पत्र अनुसार, खटाइएका कर्मचारीहरूलाई भदौ १४ गतेबाट त्यहाँ खटिएका छन्।
सचिवालयले मेघराज अर्याल, रोशन तण्डुकार, प्रविन राई, गुणमाया सुनुवार सिंह, जीवनकुमार निरौला, जयराज खड्का, विष्णु बहादुर विष्ट, प्रकाश कुमार लामा, विजयकुमार भट्टराई, नारायण बहादुर कार्की, सदन राई, जनकराज अधिकारी, विष्णु चौधरी, प्रकाश ज्ञवाली, प्रवल पौडेल, यमुना सुवेदी, विमल परियार, कविता भट्टराई, विमला रावल र सरस्वती रिजाललाई प्रधानमन्त्री कार्यालयमा खटाएको हो।
विपद्को समयमा राहत र उद्धार कार्यलाई थप प्रभावकारी र व्यवस्थित बनाउन संसद सचिवालयका कर्मचारीहरूलाई प्रधानमन्त्री कार्यालय मातहत रहने गरी परिचालन गरिएको सचिवालयले जनाएको छ।
