वैदेशिक अध्ययनका लागि एक आर्थिक वर्षमा एक लाख १२ हजार २५६ जनाले अनुमति लिएका छन्।
शिक्षा, विज्ञान तथा प्रविधि मन्त्रालयको वैदेशिक अध्ययन अनुमति (एनओसी) शाखाका अनुसार २०८० साउन १ गतेदेखि २०८१ असार मसान्तसम्म एक लाख १२ हजार दुई सय ५६ जनाले एनओसी लिएका हुन् ।
सबैभन्दा धेरै जापानका लागि
आर्थिक वर्ष २०८०–८१ मा सबैभन्दा धेरै जापानका लागि ३४ हजार ७३१ जनाले अनुमति लिएका छन्। गत आर्थिक बर्ष २०७९/८० को लागि जापानको लागि २१ हजार ६५८ जनाले एनओसी लिएका थिए ।
अन्य कुन देशको लागि कति ?
जापानपछि नेपाली विद्यार्थीहरूको दोस्रो रोजाइमा क्यानडा छ।क्यानडामा अध्ययनका लागि १५ हजार ९८२ जनाले अनुमति लिएका छन्। गत आर्थिक बर्ष २०७९/८० को क्यानडाका लागि २१ हजार ५४४ जनाले एनओसी लिएका थिए ।
त्यस्तै, अस्ट्रेलियाका लागि १४ हजार ३७२, बेलायतका लागि १३ हजार ३३९, अमेरिकाका लागि ११ हजार २६१ र दक्षिण कोरियाका लागि ६ हजार ८८९ जनाले अनुमति लिएका छन्।
गत आर्थिक बर्ष २०७९/८० को अस्ट्रेलियाका लागि ३३ हजार ९९१ जना, बेलायतका लागि १० हजार ५२७ जना र दक्षिण कोरियाका लागि तीन हजार ४६ जनाले अनुमति लिएका थिए ।
युएई, चीन, माल्टा, मलेसिया लगायत विभिन्न ६६ मुलुकमा अध्ययनका लागि अनुमति लिएका छन्।
हेनुस् सूची,
