विराटनगर । आईटीको क्षेत्रमा दशकौंको अनुभवप्राप्त सुमन फुयालले यूएईको गोल्डेन भिषा प्राप्त गरेका छन् ।
इटहरीका फुयाल गोल्डेन भिषा प्राप्त गर्ने दोस्रो नेपाली भएपनि नेपालबाटै आवेदन दिएर त्यस्तो भिषा प्राप्त गर्ने उनी पाहिलो नेपाली हुन् । यसअघि एक नेपालीले यो भिसा प्राप्त गरेको भएपनि उनी यूएईमै कार्यरत थिए ।
संयुक्त अरब इमिरेट्स (यूएई)ले सन् २०२० बाट सुरु गरेको ‘गोल्डेन भिसा’ ‘असाधारण प्रतिभा’ भएका डाक्टर, इन्जिनियर, वैज्ञानिक तथा कलाकारजस्ता प्रतिभावान् व्यक्तिलाई प्रथमिकतामा राखेर दिइन्छ ।
यस भिषा पाउनेले स्थायी बसोबासको व्यवस्थासहित १० वर्षका लागि नवीकरण गर्ने सुविधा समेत पाउँछन्
यूएईको गोल्डेन भिषा पाउने फुयाँल चर्चित अनलाइन प्लाटफर्म ‘विक्स’को नेपालबाट एकमात्र पार्टनर हुन् । गुगल, माइक्रोसफ्टलगायत १८ अन्य प्लाटफर्मबाट सर्टिफिकेटसमेत प्राप्त गरिसकेका उनी यस क्षेत्रका ‘वल्र्ड रेकर्डिष्ट’ समेत हुन् ।
