रौतहट । कटहरिया नगरपालिका ३ बड़का बरेडवा रौतहटका राकेशकुमार सोनारको मलेसियामा दुर्घटनामा परी मृत्यु भएको छ । राती कामबाट फर्कंदै गर्दा ट्रकले ठक्कर दिंदा उनको बाटैमा देहावशान भएको हो ।
२६ वर्षीय राकेशको शव १० दिनपछि शनिबार साँझ नेपाल ल्याइ हिन्दू संस्कार अनुसार अन्त्येष्टि गरिएको पारिवारिक श्रोतले बताएको छ । मलेसिया गएर काम गर्न थालेको १ वर्षमात्रै भएको मृतक राकेशको परिवारले मलेसियास्थित दुतावासलाई क्षतिपूर्तिको निम्ति कम्पनीसंग आवश्यक पहलकदमी लिइदिन आग्रह गरेको छ ।
