काठमाडौँ । मौसम पूर्वानुमान अनुसार मंगलबार देशका प्रमुख सहरहरुमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ।
आज दिउँसो पोखरा, जिरी र ताप्लेजुङमा पानी पर्ने सम्भावना सबैभन्दा बढी अर्थात् ७० प्रतिशत रहेको छ। यी तीनवटै सहरमा मेघगर्जन र चट्याङसहित मध्यम वर्षा हुने अनुमान गरिएको छ।
आज दिउँसोको अन्य सहरको अवस्था हेर्दा काठमाडौं, ओखलढुङ्गा, धनकुटा र जोमसोममा पनि मेघगर्जन र चट्याङसहित मध्यम वर्षा हुने ६० प्रतिशत सम्भावना छ। डडेलधुरा, दिपायल, जुम्ला, घोराही, भैरहवा, सिमरा र धरानमा वर्षाको सम्भावना ४० प्रतिशत रहेको छ।
त्यसैगरी वीरेन्द्रनगर, विराटनगर र जनकपुरमा ३० प्रतिशत तथा धनगढी र नेपालगञ्जमा २० प्रतिशत वर्षाको सम्भावना छ।
तापक्रमको कुरा गर्दा आज दिउँसो धनगढी, नेपालगञ्ज र भैरहवाको अधिकतम तापक्रम सबैभन्दा धेरै ३४ देखि ३६ डिग्री सेल्सियससम्म पुग्ने पूर्वानुमान छ भने सबैभन्दा कम तापक्रम जोमसोममा १७ देखि १९ डिग्री सेल्सियस रहनेछ।
आज रातिको मौसम पूर्वानुमान हेर्दा पश्चिमी तराईका सहरहरु दिपायल, धनगढी, वीरेन्द्रनगर, नेपालगञ्ज र घोराहीमा वर्षाको सम्भावना शून्य प्रतिशत रहेको छ र यी ठाउँमा आंशिक बादल मात्र लाग्नेछ। रातिको समयमा पोखरा, विराटनगर र ताप्लेजुङमा मेघगर्जन र चट्याङसहित पानी पर्ने ६० प्रतिशत सम्भावना छ।
जुम्ला, भैरहवा, काठमाडौं, ओखलढुङ्गा, धनकुटा, जोमसोम, धरान, जनकपुर र जिरीमा राति वर्षा हुने सम्भावना ४० प्रतिशत छ भने डडेलधुरा र सिमरामा ३० प्रतिशत सम्भावना छ। रातिको न्यूनतम तापक्रम जोमसोममा सबैभन्दा कम ४ देखि ६ डिग्री सेल्सियस र जिरीमा ९ देखि ११ डिग्री सेल्सियस रहनेछ भने नेपालगञ्जको रातिको तापक्रम सबैभन्दा धेरै २४ देखि २६ डिग्री सेल्सियस रहनेछ।
