काठमाडौं । बितेको एक वर्षमा खाडी राष्ट्र युनाइटेड अरब इमिरेट्स (यूएई) मा ३१२ जना नेपालीको मृत्यु भएको छ । गत आर्थिक वर्ष २०८१/८२ मा वैदेशिक रोजगारीमा गएका उनीहरूको यूएईमा मृत्यु भएको हो ।
गत आर्थिक वर्ष औसतमा प्रत्येक महिना यूएईमा २६ जना नेपालीको मृत्यु भएको यूएईको अबुधाबीस्थित नेपाली दूतावासको तथ्यांकले देखाउँछ ।
आर्थिक वर्ष २०८०/८१ मा यूएईमा २३१ नेपालीले ज्यान गुमाएका थिए । उक्त वर्ष प्रत्येक महिना औसतमा १९.२५ जना नेपालीको मृत्यु यूएईमा भएको थियो ।
अबुधाबीस्थित नेपाली दूतावासका अनुसार, ०८१ साउनमा ३०, भदौमा ३२, असोजमा ३३, कात्तिकमा ३५, मंसिरमा २४, पुसमा १३, माघमा २५, फागुनमा १७, चैतमा १७, ०८२ वैशाखमा ३५, जेठमा २० र असारमा ३१ नेपालीको मृत्यु भएको छ ।
सडक दुर्घटना, कार्यस्थल दुर्घटना, हृदयघात, मुटुसम्बन्धी रोगलगायत कारण नेपालीले यूएईमा ज्यान गुमाउने गरेका छन् ।
