काठमाडौं । साताको तेस्रो कारोबारको दिन मंगलवार नेपाली बजारमा सुनचाँदीको मुल्य बढेको छ।
नेपाल सुनचाँदी व्यवसायी महासंघका अनुसार आज सुनको मुल्य तोलामा १८ सय रुपैयाँले बढेको हो। योसँगै प्रतितोला छापावाल सुन १ लाख ९५ हजार ५ सय रुपैयाँ कायम भएको छ । अघिल्लो सोमबार सुनको मुल्य तोलामा १ लाख ९३ हजार ७ सय रुपैयाँमा कारोबार भएको थियो।
साथै, आज चाँदीको भाउ पनि तोलामा ३५ रुपैयाँले बढेको छ । यससँगै आज चाँदी २ हजार ३२० रुपैयाँ कायम भएको छ। हिजो चाँदी तोलामा २ हजार २८५ रुपैयाँमा किनबेच भएको थियो।
