काठमाडौँ । जागरूक युवा अभियान नेपालले काठमाडौंको वसन्तपुरमा राष्ट्रिय पोसाक एवं टोपी दिवस मनाएको छ । नेपाली टोपीः हाम्रो पहिचान’ भन्ने नाराका साथ आज १२औँ राष्ट्रिय पोसाक एवं टोपी दिवस मनाइएको हो ।
यो सँगै नेपाली युवाले बिर्सँदै गएको राष्ट्रिय पोशाकको पुनःजागरण हुन थालेको छ ।
नेपाली पहिचानका रुपमा रहेको दौरा, सुरुवाल, टोपी र गुन्यु चोलीलाई युवामाझ स्थापित गर्न विसं २०७० देखि राष्ट्रिय पोसाक एवं टोपी दिवस मनाउन थालिएको हो ।
औपचारिक रुपमा राष्ट्रिय पोसाक हटाइएपछि युवाहरु जागरूक भएर यो अभियान सुरु गरेका हुन् ।
