नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले सहकारी ठगी आरोपमा पक्राउ परेका राष्ट्रिय स्वतन्त्र पार्टी (रास्वपा) का अध्यक्ष रवि लामिछानेलाई सरकारले प्रतिशोधपूर्ण व्यवहार गरेको बताएका छन् ।
पूर्वप्रधानमन्त्री समेत रहेका प्रचण्डले सोमबार सामाजिक सञ्जाल फेसबुकमा लेख्दै सरकारले अनुन्धानका क्रममा निरंकुश, अलोकतान्त्रिक, अमानवीय र प्रतिशोधपूर्ण व्यवहार गरिरहेको भन्दै त्यसप्रकारको व्यवहार रोक्न सरकारलाई लेख्दै आग्रह गरेका हुन् ।
‘अदालतबाट दोषी ठहर नभएका, अत्यधिक जनमतद्वारा निर्वाचित रास्वपा सभापति रवि लामिछानेमाथि सरकारले जुन निरंकुश, अलोकतान्त्रिक, अमानवीय र प्रतिशोधपूर्ण व्यवहार गरिरहेको छ, त्यसको निन्दा गर्दछु। त्यसप्रकारको व्यवहार रोक्न सरकारलाई गम्भीर आग्रह गर्दछु ।’ उनले सोमबार सामाजिक सञ्जाल फेसबुकमा लेखेका छन्,
सहकारी ठगी प्रकरणमा गत कात्तिक २ गते पक्राउ परेर जिल्ला प्रहरी कार्यालय कास्कीको हिरासतमा रहेका लामिछानेलाई सोमबार काठमाडौं ल्याएर पर्सा लगिएको छ ।
