काठमाडौं । भारतको बाटो हुँदै विदेश पठाउने भन्दै पाँच युवतीलाई बेचविखनको प्रयास गर्ने पुरुषलाई चितवन प्रहरीले पक्राउ गरेको छ ।
जिल्ला प्रहरी कार्यालय चितवनले मकवानपुरको हेटौँडा उपमहानगरपालिका १४ का राजु भन्ने ४४ वर्षका राजकुमार थिङलाई पक्राउ गरेको हो ।
थिङले निस्शुल्क विदेश पठाउने भन्दै सुनौली जाने बसमा चढाउन लाग्दा चितवन प्रहरीको टोलीले थिङलाई नियन्त्रणमा लिइ पाँच युवतीको उद्धार गरेको चितवनका प्रहरी एसपी प्रवक्ता गौतम मिश्रले जानकारी दिए ।
