काठमाडौं । भिजिट भिसामा कुवेत पुर्याएर मानव बेचबिखन गर्ने एक जनालाई प्रहरीले पक्राउ गरेको छ ।
उनलाई धादिङबाट पक्राउ गरेको जिल्ला प्रहरी कार्यालय धादिङले जनाएको छ ।
प्रहरीका अनुसार मानव बेचबिखन तथा ओसारपसार गरेको कसुरमा धादिङको बेनिघाट रोराङ गाउँपालिका–३ का ४७ वर्षीय श्यामबाबु बराकोटीलाई पक्राउ गरिएको हो ।
उनीविरुद्ध २०७९ माघ २५ गते मानव बेचबिखनविरुद्ध मुद्दा परेको थियो । नेपालबाट युवा–युवती कुवेत पुर्याई उनीहरुको कागजात नियन्त्रणमा लिएर श्रीलंकन एजेन्टलाई जिम्मा लगाएको भनि उजुरी परेको थियो ।
बराकोटीले बेचबिखन गरी बन्धक बनाइएका नेपालीले तस्करलाई पाँच लाख बुझाएको प्रहरीले बताएको छ ।
