काठमाडौँ । सभापति रवि लामिछानेको रिहा गर्न माग गर्दै राष्ट्रिय स्वतन्त्र पार्टी (रास्वपा)ले मंगलबार गरेको प्रदर्शनका क्रममा ५१ जना पक्राउ परेका छन् ।
पक्राउ पर्नेमा सांसद अशोक चौधरीसहितका ५१ जना नेता कार्यकर्ता रहेका छन् । जनामध्ये एक महिला र बाँकी सबै पुरुष रहेको जिल्ला प्रहरी परिसर काठमाडौँका एसपी नवराज अधिकारीले जानकारी दिए ।
रास्वपाले मंगलबार लामिछाने पक्राउको विरोधमा बालुवाटार केन्द्रित प्रदर्शन गरेको थियो । प्रदर्शनका क्रममा रास्वपाका नेता कार्यकर्ताले निषेधित क्षेत्र तोड्ने प्रयास गरेपछि प्रहरीले पक्राउ गरेको हो ।
