काठमाडौं । दशैँको मुखैमा ५५ हजार नेपालीले आफ्नै देश छाडेका छन् ।
श्रम स्वीकृत लिई सकेको हुनाले बाध्य भएर देश छोड्नुपरेको उनीहरूले बताएका छन् ।
दशैँ घर–घरमा भित्रिरहेका बेला वैदेशिक रोजगारीका लागि उनीहरूले देश छोडेका हुन् ।
वैदेशिक रोजगार विभागका अनुसार असोजमा विदेश जानेमध्ये ७० प्रतिशत नयाँ रहेका छन् ।
असोज महिनाको २२ सम्म ५५ हजारले देश छाडेका छन् ।
गत वर्ष दशैँ परेको महिना विदेश जानेको संख्या ५१ हजार थियो ।
