काठमाडौँ । काठमाडौँ महानगरपालिका–१४ स्थित रवि भवनमा पैदलयात्रीलाई ठक्कर दिएर सवारी चालक फरार भएका छन् । बिहीबार बिहान ४ बजेर ९ मिनेटमा मर्निङ वाक गर्दै गर्दा सवारीले ठक्कर दिएको थियो।
दुर्घटनामा परेर करिब ६५ वर्षीया महिला गम्भीर घाइते भएकी छन् । उनको टाउको र मुखमा चोट लागेको छ । घाइते महिला बोल्न नसक्ने भएको हुनाले उनको परिचय खुल्न नसकेको उपत्यका ट्राफिक प्रहरी कार्यालयका एसपी नरेश सुवेदीले बताए।
हिट एन्ड रनमा संलग्न सवारीको प्रहरीले खोजी गरिरहेको छ । सिसिटिभी फुजेट हेर्दा स्कुटरले ठक्कर दिएको जस्तो देखिएको र यकिन गर्ने काम भइरहेको प्रहरी वृत्त कालीमाटीका डीएसपी नरेश कुमार सिंहले बताए।
घाइतेको ट्रमा सेन्टरमा उपचार भइरहेको छ।
