नेपाली मूलकी नर्स ममता काफ्ने अमेरिकामा आठ दिनदेखि सम्पर्कविहीन भएकी छन् । उनी अमेरिकाको भर्जिनिया राज्यको मनाससबाट सम्पर्कविहीन भएकी हुन् ।
सम्पर्कविहीन काफ्लेबारे भर्जिनिया राज्यको मनासस सहरस्थित मनासस पार्कमा प्रहरीले सूचना जारी गर्दै उनी हराएकोले खोजीकार्यमा सहयोग गरिदिन अपिल गरेको छ ।
उनी बेपत्ता भएपछि नेपाली समुदायले उक्त प्रहरी चौकीलाई उनका नजिकका आफन्त, साथीभाइ र सहकर्मीले अवगत गराएपछि आज प्रहरीले सूचना जारी गरेको हो ।
मनासस पार्क प्रहरीले सामाजिक सञ्जालमार्फत जारी गरेको सूचनामा उनी जुलाई ३१, २०२४ सम्म अन्तिम पटक मनासस पार्क सहरमा देखिएको उल्लेख गरेको छ ।
साथै मनासस पार्क प्रहरीले उनको हुलियाको उल्लेख गर्दै उनी २८ वर्षीय भएको जनाएको छ ।
मनसास पार्क प्रहरी विभागले ममता काफ्लेको खोजीमा सर्वसाधारणलाई सहयोगको लागि आग्रह गरेको छ ।
जानकारी भएका जो कोहीलाई ७०३–३६१–११३६ मा मनासस पार्क प्रहरीलाई सम्पर्क गर्न आग्रह गरेको छ ।
