काठमाडौं । सांसद र मन्त्रि विवादमा आउन थालेपछि राष्ट्रिय स्वतन्त्र पार्टी सभापति रवि लामिछानेले छलफल गरेका छन्।
आज संसदीय दलको कार्यालय सिंहदरबारमा सरकारको काम र संसदीय भूमिका प्रभावकारी बनाउने विषयमा छलफल जारी रहेको छ।
सरकारका काम र सांसदले सदनमा उठाएका विषयमा तालमेल नमिलेकाले सभापति लामिछानेले छलफल गरेका छन्। दलको बैठकमा पछिल्ला दिनमा देखिएका समसामयिक राजनीतिक विषयमा पनि छलफल भइरहेको छ। पार्टीको नीति र अनुशासन विपरीत सांसद बोल्न थालेपछि सभापति लामिछानेले विशेष निर्देशन दिने बताइएको छ।
सदनमा विधि र प्रक्रियाको पालना नगरेको भन्दै रास्वपा सांसदको आलोचना हुँदै आएको छ। संसदीय दलका नेता रास्वपाका वरिष्ठ नेता एवम् प्रधानमन्त्री भएपछि उनी बैठकमा सहभागी छैनन्। बैठकमा रास्वपाका मन्त्री र सांसद सहभागी छन्।
