काठमाडौँ । सांसद कृपामान रानाले दैलेखको पेट्रोलियम खानीले आम नेपालीलाई गिज्याइरहेको बताएका छन् ।
उद्योग तथा वाणिज्य र श्रम तथा उपभोक्ता हित समितिको बैठकमा बोल्दै उनले दैलेखमा भेटिएको पेट्रोलियम पदार्थ उत्पादन गर्न सके नेपालमा ग्यास अभाव नहुने बताए ।
उनले भने, 'ग्यास नपाएर अहिले उपभोक्ताले सास्ती भोग्नु परेको छ । दिनभर लाइन बसेर रित्तो सिलिन्डर लिएर फर्किनुपर्ने अवस्था छ । दैलेखमा फेला परेको ग्यास उत्पादनमा सरकारले चासो देखाएको भए अहिले यो अवस्था आउने थिएन ।'
