काठमाडौँ । अपर तामाकोशीको लागत बढेको सम्बन्धमा छानबिन समिति गठनको माग उठेको छ ।
सोमबार अर्थ समितिमा बैठकमा राष्ट्रिय गौरवका आयोजनाको प्रगतिका सम्बन्धमा राष्ट्रिय योजना आयोगसँग भएको छलफलमा सांसदहरूले यस्तो माग गरेका हुन् ।
राष्ट्रिय स्वतन्त्र पार्टीका सांसद सुशील खड्काले सुरुमा ३२ अर्ब भनिएको अपर तामाकोशी बनाउन अन्तिममा ९१ अर्बसम्म कसरी पुग्यो भन्ने विषयमा छानबिन गर्नुपर्ने बताए । यो अध्ययनले अन्य आयोजनामा लागत र समय बढ्ने समस्याको समाधान हुनसक्ने उनको भनाइ छ ।
उनले ४० को दशकमा बनेका सिँचाई आयोजनाहरू अहिलेसम्म पनि जस्ताको तस्तै रहनुको कारण समेत खोज्नुपर्ने बताए।
