काठमाडौं । चालु आर्थिक वर्ष २०८१/८२ को पहिलो त्रैमासमा कुमारी बैंकले एक अर्ब सात करोड ८१ लाख रुपैयाँ नाफा आर्जन गरेको छ । गत वर्ष २६ करोड ३९ लाख रुपैयाँ नाफा आर्जन गरेको यो बैंकले चालु आर्थिक वर्षमा भने सुधार गरेको हो ।
गत वर्षको असोज मसान्तसम्मको तुलनामा यो बैंकको नाफा ३०५.५० प्रतिशतले बढेको हो ।
बैंकको ब्याज आम्दानी भने घटेको छ । गत वर्षको तीन महिनामा १० अर्ब ६० करोड ३८ लाख रुपैयाँ ब्याज आम्दानी गरेको बैंकले यो वर्षको सोही अवधिमा आठ अर्ब ६४ करोड आठ लाख रुपैयाँ आर्जन गरेको छ ।
बैंकको सञ्चालन मुनाफा भने बढेको छ । यो बैंकले तीन महिनामा एक अर्ब ५४ करोड ९७ लाख रुपैयाँ सञ्चालन मुनाफा आर्जन गरेको छ । गत वर्षको तीन महिनामा यो बैंकको सञ्चालन मुनाफा ४३ करोड ६६ लाख रुपैयाँ थियो ।
असोज मसान्तसम्म बैंकको खराब कर्जा ४.९६ प्रतिशत छ । गत वर्षको सोही अवधिमा यो बैंकको खराब कर्जा ४.८६ प्रतिशत थियो ।
बैंकले तीन महिनाको अवधिमा तीन खर्ब ४७ अर्ब २० करोड निक्षेप संकलन गरेको छ भने दुई खर्ब ८३ अर्ब ९६ करोड रुपैयाँ कर्जा लगानी गरेका छन् ।
