काठमाडौँ। नेपाली कांग्रेसको १५औँ महाधिवेशन अन्तर्गत मतगणना नभएको केन्द्रीय सदस्य खुलातर्फको मतगणना भोलि बिहानदेखि सुरु हुने भएको छ ।
कांग्रेस केन्द्रीय निर्वाचन समितिका सदस्य सचिव राजु कटुवालले साेमबार सूचना जारी गर्दै केन्द्रीय सदस्य खुलातर्फको मतगणना मंगलबार बिहान ८ बजेदेखि सुरु हुने जानकारी गराएको छ।
मतगणना पार्टीको केन्द्रीय कार्यालय सानेपामा हुनेछ। समितिले केन्द्रीय सदस्यका उम्मेदवारहरूलाई लक्षित गर्दै नोटसमेत जारी गरेको छ। जसअनुसार, केन्द्रीय सदस्यको उम्मेदवारको हकमा उम्मेदवार स्वयम् बाहेक अन्य प्रतिनिधि राख्ने व्यवस्था नभएको जानकारी गराइएको छ।
