काठमाडौं । विशेष अदालतले बीमा कम्पनीका पूर्व सीइओ मृगेन्द्रनाथ रिमाललाई सम्पत्ति शुद्धिकरण कसुरमा धरौटीमा छाड्ने आदेश दिएको छ।
बुधबार विशेष अदालतका न्यायाधीशत्रय नारायणप्रसाद पौडेल, हेमन्त रावल र उमेश कोइरालाको इजलासले २५ लाख धरौटी लिएर छाड्ने आदेश दिएको हो । विशेष अदालतका प्रवक्ता कृष्णशरण लामिछानेका अनुसार रिमालले अदालतले मागेको २५ लाख धरौटी बुझाएर तारेख लिएर गएका छन्।
रिमालविरुद्ध दीपक भट्ट समेत जोडिएको बीमा ऐन र धितोपत्र सम्बन्धी ऐन अन्तर्गतको कसूरमा काठमाडौँ जिल्ला अदालतमा मुद्दा विचाराधीन छ।
