काठमाडौं । नेपालका लागि संयुक्त राष्ट्रसंघीय जनसंख्या कोष (यूएनएफपिए)का नवनियुक्त प्रतिनिधि श्रीराम हरिदासले सोमबार परराष्ट्र मन्त्रालयमा आफ्नो ओहोदाको प्रमाणपत्र पेस गरेका छन्।
ओहोदाको प्रमाणपत्र पेस गरेपछि प्रतिनिधि हरिदासले परराष्ट्रमन्त्री शिशिर खनालसँग भेटवार्ता गरेका थिए। त्यस अवसरमा दुवै पक्षबीच नेपाल र यूएनएफपिएबीचको लामो समयदेखिको साझेदारीलाई अझ सुदृढ बनाउने विषयमा छलफल भएको थियो।
परराष्ट्र मन्त्रालयका अनुसार भेटमा नेपालको जनसंख्याको अवस्था, जनसांख्यिकीय लाभ, युवा तथा ज्येष्ठ नागरिकका सवाल, सहयोगका क्षेत्र र आगामी प्राथमिकताबारे पनि कुराकानी भएको थियो।
परराष्ट्रमन्त्री खनालले नेपाललाई यूएनएफपिएले निरन्तर पुर्याउँदै आएको सहयोगको सराहना गर्दै प्रतिनिधि हरिदासलाई नेपालमा सफल कार्यकालको शुभकामना दिएका छन्।
