काठमाडौँ । लेखा समिति अन्तर्गतका बेरुजुसम्बन्धी उपसमितिको नेतृत्व विवाद टुङ्गिएको छ । शुक्रबार बसेको समितिको बैठकमा समिति अन्तर्गत पाँच उपसमितिको नेतृत्व टुङ्गो लागेको हो ।
लेखा समिति अन्तर्गत विभिन्न बेरुजुको टुङ्गो लगाउन अर्थ र सुशासन, राज्य सुरक्षा न्याय कानुन र प्रशासन, भौतिक पूर्वाधार, प्राकृतिक स्रोत र वातावरण, आर्थिक उत्पादन, विज्ञान र मानव पुँजी तथा सामाजिक न्याय कल्याण र समावेशीकरण गरी पाँचवटा उपसिति बनाउने निर्णय भएको थियो ।
तर, सबै उपसमितिमा आफ्नै नेतृत्व हुनुपर्ने सत्तारुढ राष्ट्रिय स्वतन्त्र पार्टीको अडानका कारण संयोजक र सदस्यहरुको टुङ्गो लाग्न सकेको थिएन ।
पाँचमध्ये दुई उपसमितिको नेतृत्व छाड्न तयार भएसँगै विवाद टुङ्गिएको हो । सबै समितिमा संयोजक समेत टुङ्ग्याइएको छ । यस अनुसार अर्थ र सुशासन उपसमितिमा रास्वपाका रूकेश रञ्जित, राज्य सुरक्षा, न्याय, कानुन र प्रशासन उपसमितिमा एमालेका यज्ञ बोगटी छन् ।
त्यस्तै, भौतिक पूर्वाधार, प्राकृतिक स्रोत र वातावरण उपसमितिमा राप्रपाकी खुस्बु ओली, आर्थिक उत्पादन, विज्ञान र मानव पुँजी उपसमितिमा रास्वपाका खगेन्द्र सुना।र खगेन्द्र सुनार र सामाजिक न्याय, कल्याण र समावेशीकरण उपसमितिमा मनिष झा संयोजक हुनेछन् ।
प्रमुख प्रतिपक्षी दल नेपाली काँग्रेसको तर्फबाट भने कोही पनि संयोजक बनेनन्।
