काठमाडौँ । फिफा विश्वकप २०२६ को उत्कृष्ट ८ (क्वाटरफाइनल) को समीकरण पूर्ण रूपमा तयार भइसकेको छ। राउन्ड अफ १६ का खेलहरू समाप्त भएसँगै प्रतियोगितामा सहभागी ४८ टोलीमध्ये अब मात्र ८ बलिया टोलीहरू उपाधिका लागि भिड्न बाँकी छन्।
नेपाली समय  अनुसार क्वाटरफाइनलका खेलहरूको पूर्ण विवरण र समयतालिका यस प्रकार रहेको छ

क्वाटरफाइनल समीकरण र खेल तालिका

पहिलो क्वाटरफाइनल: फ्रान्स विरुद्ध मोरक्को
मिति: असार २६ गते, शुक्रबार (जुलाई १०, २०२६)
समय: बिहान १:४५ बजे
स्थान: बोस्टन स्टेडियम, म्यासाचुसेट्स
विशेषता: काइलियन एमबाप्पेको कप्तानीमा रहेको फ्रान्सले पछिल्लो समय उत्कृष्ट प्रदर्शन गरिरहेको मोरक्कोको सामना गर्नेछ।

दोस्रो क्वाटरफाइनल: स्पेन विरुद्ध बेल्जियम
मिति: असार २७ गते, शनिबार (जुलाई ११, २०२६)
समय: मध्यरात १२:४५ बजे
स्थान: लस एन्जलस स्टेडियम, क्यालिफोर्निया
विशेषता: पोर्चुगललाई हराएको स्पेन र आयोजक अमेरिकालाई ४-१ ले पन्छाउँदै आएको बेल्जियम बीचको यो खेल निकै रोमान्चक हुने अपेक्षा गरिएको छ।

तेस्रो क्वाटरफाइनल: नर्वे विरुद्ध इङ्गल्याण्ड
मिति: असार २८ गते, आइतबार (जुलाई १२, २०२६)
समय: बिहान २:४५ बजे
स्थान: मियामी स्टेडियम, फ्लोरिडा
विशेषता: नर्वेका स्टार स्ट्राइकर अर्लिङ हालाण्ड र इङ्गल्याण्डका कप्तान ह्यारी केन तथा जुड बेलिङ्घम बीचको गोल गर्ने होडबाजी यो खेलमा मुख्य आकर्षण हुनेछ।

चौथो क्वाटरफाइनल: अर्जेन्टिना विरुद्ध स्विट्जरल्याण्ड
मिति: असार २८ गते, आइतबार (जुलाई १२, २०२६)
समय: बिहान ६:४५ बजे
स्थान: कान्सास सिटी स्टेडियम, मिसौरी
विशेषता: साविक विजेता अर्जेन्टिनाले इजिप्ट विरुद्ध उत्कृष्ट पूनरागमन गर्दै क्वाटरफाइनल यात्रा तय गरेको हो भने स्विट्जरल्याण्डले कोलम्बियालाई पेनाल्टी सुटआउटमा हराएर यहाँसम्म आइपुगेको हो।
सेमिफाइनल र फाइनलको बाटो

क्वाटरफाइनलका विजेता टोलीहरू सेमिफाइनल प्रवेश गर्नेछन्। यस ऐतिहासिक ४८ टोली सम्मिलित विश्वकपको फाइनल खेल साउन ४ गते (जुलाई १९, २०२६) न्यूयोर्क न्यूजर्सीको मेटलाइफ स्टेडियममा खेलाइनेछ।