काठमाडौँ । वाणिज्य बैंकलाई विदेशी सरकारी ऋणपत्रमा लगानी खुला गरिने भएको छ । नेपाल राष्ट्र बैंकले आर्थिक वर्ष २०८३/८४ को मौद्रिक नीति सार्वजनिक गर्दै यस्तो व्यवस्था गरेको हो ।
नीतिको बुँदा नम्बर १६ मा भनिएको छ– विदेशी मुद्रा खरिदमार्फत हुने तरलता प्रवाह व्यवस्थापनलाई सहज बनाउन वाणिज्य बैंकहरुलाई विदेशी सरकारी ऋणपत्रमा लगानी गर्न प्रोत्साहित गरिनुका साथै विदेशी मुद्रा खरिदकै बखत स्टेरलाईज्ड इन्टरभेन्सन गर्ने नीतिगत व्यवस्था गरिनेछ ।
हालसम्म राष्ट्र बैंकले वाणिज्य बैंकहरुलाई विदेशी सरकारी ऋणपत्रहरूमा लगानीका लागि प्रोत्साहनको नीति लिने गरेको थिएन। देशमा पर्याप्त तरलता रहेको र यो वर्ष पनि यो अवस्थाले निरन्तरता पाउने अपेक्षाबिच यस्तो नीति लिइएको गभर्नर प्रा.डा. विश्व पौडेलले बताए।
