काठमाडौं । राष्ट्रिय स्वतन्त्र पार्टी (रास्वपा) वरिष्ठ नेता वालेन्द्र शाह नेतृत्वको सरकारमा सुधन गुरुङ फेरि गृहमन्त्री बन्न लागेका छन्।
प्रधानमन्त्रीको सचिवालय स्रोतका अनुसार, गुरुङलाई गृहमन्त्री नियुक्त गर्न लागिएको छ। उनको आजै शपथ ग्रहणको तयारी पनि गरिएको जनाएको छ।
शपथ ग्रहणका लागि राष्ट्रपतिको कार्यालयलाई पत्राचार गरिसकिएको प्रधानमन्त्रीको सचिवालय स्रोतले जनाएको छ। आजै अपराह्न ३ बजे शपथ ग्रहणको तयारी गरिएको छ।
यसअघि विवादमा आएपछि गत वैशाख ९ गते राजीनामा दिएका थिए। सरकारले गठन गरेको छानबिन समितिले सफाइ दिएपछि उनी फेरि गृह मन्त्रालय फर्किन लागेका हुन्।
