काठमाडौँ । प्राविधिक शिक्षा तथा व्यावसायिक तालिम परिषद् (सीटीईभीटीका) को रिक्त उपाध्यक्ष मनोनयन र सदस्य सचिव पदका लागि उपयुक्त उम्मेदवार सिफारिस गर्न गठित समितिले दरखास्त आह्वान गरेको छ ।
समितिले स्वीकृत गरेको बैठक तथा सिफारिस सम्बन्धी कार्यविधि, २०८३ अनुसार योग्यता पुगेका इच्छुक नेपाली नागरिकहरूबाट आवेदन माग गरिएको हो । यो सूचना प्रथम पटक यही जेठ २१ गते प्रकाशित गरिएको हो ।
आवेदन दिने म्याद सूचना प्रकाशित भएको मितिले ७ दिनभित्र निर्धारण गरिएको छ । योग्य आवेदकहरूले शिक्षा तथा खेलकुद मन्त्रालयको प्राविधिक शिक्षा शाखामा कार्यालय समयभित्र आफ्नो आवेदन बुझाउनु पर्नेछ ।
यदि आवेदन दिने अन्तिम दिन सार्वजनिक बिदा पर्न गएमा त्यसको भोलिपल्ट कार्यालय खुलेको दिनको कार्यालय समयभित्र आवेदन दर्ता गर्न सकिने सुविधा दिइएको छ ।
