काठमाडौं । गैरआवासीय नेपाली संघ अष्ट्रेलिया (एनआरएनए) ले सिड्नीमा आफ्नै कार्यालय स्थापना गरेको छ ।
पाँच लाख ८८ हजार डलरमा खरिद गरिएको एनआरएन अष्ट्रेलियाको भवनको एक कार्यक्रमबीच यूसाउथवेल्सका प्रिमियर क्रिस मिन्सले उदघाटन गरेका हुन् ।
एनआरएन अष्ट्रेलियाले आफ्नो प्रशासनिक र अन्य कार्यहरू अबदेखि आफ्नै भवनवाट सञ्चालन गर्ने भएको छ ।
न्यूसाउथवेल्सका प्रिमियर क्रिस मिन्सले एक समारोहकाबीच वैदिक मन्त्रोच्चारणका साथ कार्यालयको उद्घाटन गरेका हुन् ।
कार्यालय भवन खरिदका लागि २ लाख १० हजार डलर अष्ट्रेलियन सरकारबाट अनुदान समेत प्राप्त भएको थियो ।
कार्यक्रममा बोल्दै अष्ट्रेलियाका लागि नेपाली राजदूत कैलाशराज पोखरेलले सबै नेपालीका लागि यो गर्वको विषय भएको र एनआरएन अष्ट्रेलियासँग विगतमा झै हातेमालो गर्दै काम गर्न नेपाल सरकार, नेपाली दूतावास तयार रहेको प्रतिबद्धता व्यक्त गरे ।
त्यस्तै कार्यक्रममा बोल्दै एनआरएनका अध्यक्ष अनिल पोखरेलले एनआरएन यस अभियानमा साथ दिने सबै व्यक्तित्वहरू धन्यवादको पात्र रहेको बताए ।
