काठमाडौँ । सरकारले भन्सार नाकामा हुने न्यून विजकीकरण नियन्त्रण गर्ने भएको छ । सरकारको नीति तथा कार्यक्रम प्रस्तुत गर्दै राष्ट्रपति रामचन्द्र पौडेलले उक्त जानकारी दिएका हुन् ।
‘भन्सार नाकामा न्यून विजकीकरण नियन्त्रण गरिनेछ,’ राष्ट्रपति पौडेलले भने, ‘मूल्य अभिवृद्धि लगायत सबै करको प्रणाली स्वचालित बनाइनेछ ।’
आयात वा निर्यात गरिने सामानको वास्तविक खरिद मूल्यभन्दा निकै कम मूल्य देखाएर भन्सारमा नक्कली बिल पेस गर्ने गैर कानुनी कार्य मानिन्छ । सरल भाषामा भन्नुपर्दा, सामान किन्दा धेरै पैसा तिरेको भए पनि भन्सारमा थोरै पैसाको मात्र बिल देखाउने काम नै न्यून विजकीकरण हो ।
