.png)
काठमाडौं। संयुक्त अरब इमिरेट्स (यूएई) मा सिस्नुपानीको ‘दुईथोपा हाँसो’ कार्यक्रम सुरु गरिएको छ ।
नेपाली दूतावास अबुधाबीको सहयोग तथा गैर आवासीय नेपाली संघ (नेपाल एसोसिएसन) यूएईको आयोजनामा गत शुक्रवारबाट कार्यक्रम सुरु भएको हो ।
शुक्रबारको कार्यक्रम यूएईका लागि नेपाली राजदूत तेज बहादुर क्षत्रीको प्रमुख आतिथ्यता तथा सिस्नुपानी टीम र हास्य कलाकार मनोज गजुरेललगायतको सहभागिता रहेको गैर आवासीय नेपाली संघ (नेपाल एसोसिएसन) यूएईका अध्यक्ष विकास शाहीले जानकारी दिए । उक्त कार्यक्रम आबुधाबीस्थित अलजोधा, एम ४४, मुसफ्फामा भएको थियो।
नेपाली श्रमिकहरू बस्ने यूएईका विभिन्न क्याम्पहरुमा गरिने मनोरञ्जनात्मक तथा सचेतनामूलक कार्यक्रम “दुई थोपा हाँसो” आइतबारसम्म चल्ने र कार्यक्रममा सहभागी हुनका लागि कुनै शुल्क नलाग्ने अध्यक्ष शाहीले बताए ।
शाहीका अनुसार शनिबार क्लिन्को क्याम्प, सज्जा, सारजहा र बलेदिया भलिबल ग्राउन्ड, अलकुजमा कार्यक्रम भएको थियो । भने (आज) आइतबार इभर सेन्डाई क्याम्प, सोनापुर र इन्डियन सोसल सेन्टर अजमानमा पनि कार्यक्रम हुनेछ ।
कार्यक्रममा सिस्नुपानी नेपालका चर्चित सर्जकहरुको प्रस्तुति रहने आयोजकले बताएको छ ।
