काठमाडौं । वैदेशिक रोजगारीका लागि सयुक्त अरब इमिरेट्स (यूएई) जाने नेपालीको संख्या बढेको पाइएको छ ।
वैदेशिक रोजगारीको प्रमुख गन्तव्य मानिने देश यूएईमा गत असोज महिनामा १७ हजार नेपाली कामदारहरू गएका हुन् । यो संख्या नयाँ र पुनः श्रम स्वीकृति लिनेको संख्या रहेको वैदेशिक रोजगार विभागले जनाएको छ ।
यसैगरी दोस्रो मूख्य गन्तब्यको रुपमा साउदी अरेबिया रहेको छ । असोजमा साउदीमा १० हजार जना गएका छन् । कतारमा ९ हजार ७ सय, कुवेतमा ३ हजार ८ सय जना नेपाली रोजगारीका लागि गएका विभागको तथ्याङ्क उल्लेख छ ।
यस्तै गरी युरोपेली देश रोमानियामा २२ सय, क्रोएसियामा ७८३, साइप्रसमा ४८५ जना रोजगारीका लागि गएका छन् । त्यस्तै जापानमा १ हजार ४५६ र दक्षिण कोरियामा १ हजार १०६ श्रमिक रोजगारीको खोजीमा गएका छन् ।
