काठमाडौं । नेपालीहरूको महान पर्व वडादशैंमा पनि वैदेशिक रोजगारीका लागि विदेशिने नेपालीको संख्या खासै घटेन । विदेश जानेहरूको संख्या अघिल्ला महिनाजस्तै यथावत् देखिएको छ ।
दशैं पर्व परेका कारण असोज महिनामा विदेश जाने नेपालीको संख्या भदौको तुलनामा केही घटेको छ । तर उल्लेख्य संख्यामा घटेको छैन ।
वैदेशिक रोजगार विभागका अनुसार असोज महिनामा ४७ हजार ४४३ पुरुष र ६ हजार ८२ जना महिला गरी कुल ५३ हजार ५२५ नेपाली रोजगारीका लागि विदेश गएका छन् ।
असोजमा म्यानपावर कम्पनी मार्फत २४ हजार ३ सय ९१ जनाले श्रम स्वीकृति लिएका छन् भने व्यक्तिगत नयाँ ८ हजार ९ सय ३८ जनाले श्रम स्वीकृति लिएका छन् । पुनः श्रम स्वीकृति लिनेहरु भने १९ हजार ३ सय ५६ जना रहेका छन् ।
गत साउनमा ६० हजार र भदौमा ५७ हजार नेपाली वैदेशिक रोजगारीमा विदेश गएका थिए ।
