मिल्टन आँधीका कारण अमेरिकाको फ्लोरिडाको स्थिति नाजुक बनेको छ ।
अधिकारीहरूले यो आँधी घातक साबित हुनसक्ने र तीव्र हावाले अचानक बाढी पनि निम्त्याउन सक्ने चेतावनी दिएका छन् ।
अमेरिकी राष्ट्रिय तुफान केन्द्रका अनुसार उत्तरी एट्लान्टिकमा हालैका वर्षमा आएको यो सबैभन्दा शक्तिशाली आँधी हो ।
बीबीसीका अनुसार आँधीका कारण १६० किलोमिटर प्रतिघण्टाको गतिमा हावा चलिरहेको छ । फ्लोरिडाका २० लाखभन्दा बढी घर र पसल विद्युतविहीन भएका छन् ।
आँधीले तटीय क्षेत्रमा पुग्नुअघि नै करिब १२५ घरमा क्षति पुगेको थियो। तर तीमध्ये अधिकांश अस्थायी घर थिए ।
